Escoutez, tous gentilz Galloys,
La victoire du noble roy Françoys.
Et orrez, si bien escoutez
Des coups ruez
De tous costez.
Phiffres, soufflez,
Frappez tambours
Tournez, virez,
Faictes vos tours,
Soufflez, jouez,
Frappez, etc.
(Tambours tousjours!)
Avanturiers, bons compagnons
Ensemble croisez vos bastons,
Bendez soudain, gentilz Gascons,
Nobles, sautez dens les arçons,
La lance au poing hardiz et promptz
Comme lyons!
Haquebutiers, faictes voz sons!
Armes bouclez, frisques mignons,
Donnez dedans!
Frappez, criez
Alarme, alarme.
Soyez hardiz, en joye mis.
Chascun s'asaisonne,
La fleur de lys,
Fleur de hault pris
Y est en personne.
Suivez Françoys,
Le roys Françoys
Suivez la couronne!
Sonnez trompetes et clarons,
Pour resjouyr les cons, les cons, les compagnons.
Fan frere le le lan fan
Fan fan feyne
Fa ri ra ri ra
A l'estandart
Tost avant
Boutez selle
gens d'armes à cheval
Frere le le lan, etc.
Bruyez, tonnez
Bombardes et canons
Tonnez gros courtaux et faulcons
Pour secourir les compaignons
Von pa ti pa toc
Ta ri ra ri ra ri ra reyne
Pon, pon, pon, pon,
Courage, courage
Donnez des horions
Chipe, chope, torche, lorgne
Pa ti pa toc
Tricque, trac zin zin
Tue! à mort;
Courage prenez
Frapez, tuez.
Gentilz gallans, soyez vaillans
Frapez dessus, ruez dessus
Fers émoluz, chiques dessus,
Alarme, alarme!
Ils sont confuz, its sont perduz
Ils monstrent les talons.
Escampe toute frelore
La tintelore
Ilz sont deffaictz
Victoire au noble roy Françoys
Escampe toute frelore bigot.
|
![[Zur Startseite]](/images/misc/logo-new.gif){kind=logo}
