Benedicta es, coelorum regina,
Et mundi totius domina,
Et aegris medicina.
Tu praeclara maris stella vocaris,
Quae solem justitiae paris,
A quo illuminaris.
Te Deus Pater, ut Dei mater
Fieres et ipse frater,
Cujus eras filia.
Sanctificavit, sanctam servavit,
Et mittens sic salutavit.
Ave plena gratia.
(secunda pars)
Per illud ave prolatum
Et tuum responsum gratum
Est ex te Verbum incarnatum,
Quo salvantur omnia.
(tertia pars)
Nunc mater exora Natum,
Ut nostrum tollat reatum,
Et regnum det nobis paratum
In caelesti patria.
Amen.
|
![[Zur Startseite]](/images/misc/logo-new.gif){kind=logo}
